Title
 
Logo Image  
 
  • ზამთრის ქართველოლოგიური სკოლა

     

     

     ზამთრის საერთაშორისო ქართველოლოგიურისკოლა 2019-ის
    (ჩამოტვირთეთ ფაილი) 

     

    დასრულდა „ზამთრის საერთაშორისო ქართველოლოგიური სკოლა 2019-ის მონაწილეთა შესარჩევი კონკურსი

     

    კონკურსის ფარგლებში შემოვიდა 95 განაცხადი.

    სეზონურ სკოლაში მონაწილეობის მსურველთა მიერ მოწოდებული მასალა კლასიფიცირდა სამეცნიერო მიმართულებების მიხედვით, დაეგზავნა დარგის კომპეტენტურ და მაღალკვალიფი­ცირებულ ექსპერტებს და ბრმა რეცენზირების შემდეგ დაუბრუნდა საორგანიზაციო ჯგუფს, რის შედეგადაც გამოვლინდა 30 საუკეთესო ნაშრომი.

    ზამთრის საერთაშორისო ქართველოლოგიური სკოლა 2019-ის“ საორგანიზაციო ჯგუფი მადლობას უხდის კონკურსის ყველა მონაწილეს და წარმოგიდგენთ გამარჯვებულ კონკურსანტებს:

    მჭედლიძე ანა (თბილისის სახელმწიფო უნივერსიტეტი)

    კაკალაშვილი ნინო (თბილისის სახელმწიფო უნივერსიტეტი)

    ბუწურაძე თათია (თბილისის სახელმწიფო უნივერსიტეტი)

    ჭიღლაძე გიორგი (თბილისის სახელმწიფო უნივერსიტეტი)

    გველუკაშვილი ანი (სსიპ ქალაქ რუსთავის N13 საჯარო სკოლა)

    კვირკველია მაია (თბილისის სახელმწიფო უნივერსიტეტი)

    ფანგანი ეკატერინე (სოხუმის სახელმწიფო უნივერსიტეტი)

    ლომიძე კოტე (საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტი)

    ჩანადირი სალომე (თბილისის სახელმწიფო უნივერსიტეტი)

    სუხიაშვილი სალომე (თბილისის სახელმწიფო უნივერსიტეტი)

    ფიცხელაური თამარ (თბილისის სახელმწიფო უნივერსიტეტი)

    ჯალაღონია თეონა (აკაკი წერეთლის სახელმწიფო უნივერსიტეტი)

    იობიძე დავით (აკაკი წერეთლის სახელმწიფო უნივერსიტეტი)

    დევიძე თამაზ (აკაკი წერეთლის სახელმწიფო უნივერსიტეტი)

    ზედგინიძე ნინო (სამცხე - ჯავახეთის სახელმწიფო უნივერსიტეტი)

    დვალიშვილი სოფიკო (თბილისის სახელმწიფო უნივერსიტეტი)

    ხიბაია მარიამ (ბათუმისრუსთაველის სახელმწიფო უნივერსიტეტი)

    კეკელიძე თეონა (ბათუმის შშოთა ოთა რუსთაველის სახელმწიფო უნივერსიტეტი)

    ღონღაძე თამთა (თბილისის სახელმწიფო უნივერსიტეტი)

    ქავთარაძე ანა (თიანეთის მუნიციპალიტეტის დაბა სიონის საჯარო სკოლა)

    დარისპანაშვილი მერი (საგარეჯოს №3 საჯარო სკოლა)

    კახიშვილი გიორგი (თბილისის სახელმწიფო უნივერსიტეტი)

    მახარაშვილი თეონა (თბილისის სახელმწიფო უნივერსიტეტი)

    თხელიძე თამარ (თბილისის სახელმწიფო უნივერსიტეტი)

    ბიწაძე ოლანი (თბილისის სახელმწიფო უნივერსიტეტი)

    თურმანიძე თეონა (ბათუმის შოთა რუსთაველის სახელმწიფო უნივერსიტეტი)

    ყველიაშვილი ნატალია (გიორგი მთაწმინდელის სახელობის საეკლესიო გალობის უმაღლესი სასწავლებელი)

    გორდელაძე გიორგი (გიორგი მთაწმინდელის სახელობის საეკლესიო გალობის უმაღლესი სასწავლებელი)

    ჰაიატე სოტომე (ტოკიოს სახელმწიფო უნივერსიტეტი)

    მიხაელა კრეიჩოვა (ვენის სახელმწიფო უნივერსიტეტი) 

     

     

    განცხადება - ზამთრის საერთაშორისო ქართველოლოგიურ სკოლა - 2019

    თსუ ქართველოლოგიური სკოლის ცენტრი შოთა რუსთაველის საქართველოს ეროვნული სამეცნიერო ფონდისა და ქართველოლოგიის მხარდამჭერთა საერთაშორისო ასოციაციის ფინანსური მხარდაჭერით აცხადებს კონკურსსზამთრის საერთაშორისო ქართველოლოგიური სკოლა – 2019-ისმონაწილეთა შესარჩევად.

    ზამთრის ქართველოლოგიურ სკოლასარსებობის ხუთწლიანი ტრადიცია აქვს. 2018 წელს პროექტმა საერთაშორისო სტატუსი შეიძინა და მასში პირველად მონაწილეობდნენ უცხოელი ლექტორები და სტუდენტები (იაპონია, ჩეხეთი, რუსეთი, საფრანგეთი).

    ზამთრის საერთაშორისო ქართველოლოგიური სკოლა 2019-ისმიზანია ქართველოლოგიით დაინტერესებული ახალგაზრდა ქართველი და უცხოელი კადრის მოზიდვა, მათი ცოდნის გაღრმავება, უახლესი ქართველოლოგიური სამეცნიერო კვლევების პოპულარიზაცია, სამეცნიერო საქმიანობის წარმართვის სტრატეგიათა გაცნობა, პროფესიულ უნარ-ჩვევათა განვითარება და ამაღლება.

    პროექტი ორ ეტაპად ხორციელდება: პირველ ეტაპზე ცხადდება ქართველოლოგიურ ნაშრომთა კონკურსი, რომლის უმთავრესი ამოცანა ქართველოლოგიური თემატიკით დაინტერესებული ახალგაზრდების გამოვლენა და მათ შორის პროექტის მონაწილეთა შერჩევაა. პროექტში მონაწილეობის მსურველებმა ქართველოლოგიის სხვადასხვა მიმართულებით უნდა დაამუშავონ კონკრეტულ პრობლემატიკასთან დაკავშირებული საკითხები, შექმნან სამეცნიერო ან მიმოხილვითი ხასიათის ნაშრომი და მისი ელექტრონული ვერსია საორგანიზაციო ჯგუფს მიაწოდონ.

    ინფორმაციულ-სამეცნიერო, ან მიმოხილვითი ხასიათის ნაშრომის/ესეს (არა უმეტეს 6 ნაბეჭდი გვერდისა: შრიფტი - sylfaen; ზომა - 12; სტრიქონებს შორის დაშორება - 1; თემა უნდა შეირჩეს ქართველოლოგიური მეცნიერებების შემდეგი მიმართულებებიდან:

    საქართველოს ისტორია (უძველესი დროიდან XIX საუკუნემდე);

    ქართული ენა და მისი დიალექტები;

    ქართული ლიტერატურა (XXI საუკუნის ლიტერატურულ პროცესებამდე);

    საქართველოს არქეოლოგია;

    ქართულ-ევროპული და ქართულ-აღმოსავლური კულტურულ-ლიტერატურული ურთიერთობები;

    ქართული ფოლკლორი და საქართველოს ეთნოგრაფია;

    ქართული ფილოსოფიის ისტორია;

    ·   ქართული მუსიკის ისტორია.

    მოწოდებული მასალა კლასიფიცირდება სამეცნიერო მიმართულებათა მიხედვით, ეგზავნება დარგის კომპეტენტურ და მაღალკვალიფიცირებულ ექსპერტებს და ბრმა რეცენზენზირების შემდეგ უბრუნდება საორგანიზაციო ჯგუფს. საუკეთესო ნაშრომთა ავტორები, 20-25 მონაწილე შეირჩევასკოლისმსმენელად.

    პროექტის მეორე ეტაპისთვის შერჩეული მონაწილეები სკოლის ფუნქციონირების პროცესში (21.02.2019-28.02.2019) დაბინავდებიან სასტუმროში, სადაც წარიმართება სასწავლო პროცესი. ისინი უზრუნველყოფილნი იქნებიან სასტუმროს მომსახურებით და კვებით. სალექციო კურსებს გაუძღვებიან სხვადასხვა უნივერსიტეტისა და ინსტიტუტის წამყვანი სპეციალისტები. ლექციების თემატიკის შესაბამისად მოეწყობა პროექტის მონაწილეთა  ნამუშევრების პრეზენტაცია. პროექტის ფარგლებში დაგეგმილია სხვადასხვა სახის კულტურულ-შემეცნებითი აქტივობა.

    ზამთრის სკოლის დასკვნითი ღონისძიება გაიმართება თბილისის სახელმწიფო უნივერსიტეტში, რომელზეც შეჯამდება სკოლის შედეგები, სკოლის მონაწილეებს გადაეცემათ შესაბამისი სერტიფიკატები და საჩუქრები. გამორჩეული ნაშრომების ავტორებს ქართველოლოგიის მხარდამჭერთა საერთაშორისო ასოციაცია დაჯილდოვებს ცნობილი ქართველოლოგის ჰაინც ფენრიხის სახელობის ფულადი პრემიით.

    პროექტის ზამთრის საერთაშორისო ქართველოლოგიური სკოლა – 2019-ის მონაწილეთა მიერ შესრულებული საუკეთესო ნაშრომები გადაეცემა სპეციალურად შექმნილ საგამომცემლო ჯგუფს, რომელიც უზრუნველყოფს რედაქტირებული მასალის (არა უმეტეს 10 ნაშრომისა) ელექტრონული სახით გამოცემას.

    ზამთრის საერთაშორისო ქართველოლოგიურ სკოლა – 2019-ში მონაწილეობის მსურველებმა შევსებული განაცხადი (ნიმუში იხილეთ განცხადების ბოლოს), შესრულებულ ნაშრომთან და პირადობს დამადასტურებელი მოწმობის ასლთან ერთად უნდა მოგვაწოდონ ელექტრონულ მისამართზე - zamtrisskola@gmail.com არა უგვიანეს 15 იანვრისა

    ჩამოტვირთეთ და შეავსეთ: განაცხადი

     

 
DESIGNED BY CSTUDIO 2009